Strategjia e parandalimit dhe e mbrojtjes së NATO-s duhet të shoqërohet me komunikim të duhur brenda dhe jashtë zonës operacionale. Secili prej nesh ka një rol në realizimin e komunikimit me audiencën e brendshme dhe me aleatët, tha sot shefi i Shtabit të Përgjithshëm të Ushtrisë, gjenerallejtënant kolonel Vasko Gjurçinovski në përmbylljen e konferencës së NATO-s për komunikues, e cila këtë vit organizohet nga Maqedonia e Veriut.
“Gjëja tjetër që do të doja të përmendja këtu është rëndësia e madhe e diçkaje që ka ndryshuar pamjen e fushëbetejës, dhe kjo pamje është e paqartë dhe nuk mund të njihet lehtë në krahasim me operacionet ushtarake konvencionale të së kaluarës. Këto janë operacione në fushën e komunikimeve”, shton Gjurçinovski.
Ushtria dhe Ministria e Mbrojtjes, siç theksoi ai, janë duke punuar intensivisht në zhvillimin dhe përmirësimin e kapaciteteve në fushën e komunikimeve strategjike për të rritur efikasitetin e komunikimeve në përputhje me doktrinën e komunikimit të NATO-s.
“Sot ne mund të elaborojmë se si po ndryshon mjedisi i informacionit si rezultat i operacioneve hibride ekskluzivisht përmes mësimeve nga lufta midis Rusisë dhe Ukrainës. Besoj se kjo është pikë kthese në përmirësimin e konceptit strategjik për komunikime të NATO-s në dekadën e re përmes rëndësisë së konceptit të asociimit të mjeteve, mënyrave dhe qëllimeve strategjike të aleatëve”, përfundoi Gjurçinovski./Telegrafi/