Gjon Karrica i njohur për publikun si Lugati mori vëmendje të madhe gjatë qëndrimit në shtëpinë e famshme të Kosovës, Big Brother VIP.
Ai u largua në gjysmë të garës për shkak të disa problemeve shëndetësore që kishte.
Megjithatë, këngëtari nga Gjakova ka deklaruar se tani është mirë dhe se po vazhdon me planet e tij.
Artisti i njohur ka qenë së fundmi i ftuar në “Big Talk” me Elita Rudin, ku kanë biseduar rreth eksperiencës në shtëpi e gjithashtu edhe shumë gjërave të tjera.
Teksa u pyet nga moderatorja nëse është bipolar, Gjoni e ka mohuar një gjë të tillë.
“Nuk mendoj se jam bipolar, kam qenë te mjeku 100 mijë herë dhe kurrë nuk më ka thënë që mund të jetë diçka e tillë. Kisha thënë, jo nuk jam”, u shpreh ai.
Bipolar ndërkohë është një çrregullim humori që ndikon në gjendjen psikologjike dhe emocionale. /Telegrafi/
