Prokuroria Publike e Gostivarit ka parashtruar propozim për shqiptim të gjobës për një 40-vjeçar nga Gostivari, për shkak se i njëjti ka kryer veprën penale – Mosveprim ndaj protokolleve shëndetësore gjatë kohës së epidemisë në bazë të nenit 206 të Kodit Penal.
Siç njoftojnë nga Prokuroria, Gjykatës Themelore në Tetovë i kanë propozuar që 40-vjeçarit t’i shqiptojë 100 gjoba ditore, pasi ai më 25 mars është kapur duke mos e respektuar orën policore.
“Gjatë ndalesës për lëvizjen e popullsisë, e vendosur si masë për parandalimin e coronavirusit, i akuzuari pa leje ka lëvizur jashtë shtëpisë së tij”, thuhet në njoftimin e Prokurorisë.