Site icon Telegrafi

“Gjithmonë në mendimet tona” – Bota e futbollit nderon Emiliano Salan pasi trupi i tij gjendet i vdekur në rrënojat e aeroplanit

Shkumbin Pireva

Lojtarë dhe klube të ndryshme shprehën ngushëllime në media sociale pasi policia konfirmoi se trupi i argjentinasit, Emiliano Salah, ishte identifikuar si i gjeturi i vdekur nën rrënojat e aeroplanit.

Lajmi i vdekjes së Emiliano Sala ka dërguar botën e futbollit në zi pasi u konfirmua pas mesnatës së enjte se trupi i sulmuesit ishte ai identifikuar disa ditë më parë nën rrënojat e aeroplanit të rrëzuar në det.

Policia e Dorsetit konfirmoi lajmin e trishtuar duke lëshuar një deklaratë ku thotë se mjeku i tyre kishte identifikuar 28-vjeçarin dhe se familja e Salas dhe pilotit David Ibbotson ishin njoftuar.

Lexo po ashtu Trupi i gjetur nën rrënojat e aeroplanit është i sulmuesit Emiliano Sala

Mesazhet e trishtimit, mbështetjes dhe ngushëllimit kanë ardhur në mediat sociale nga e gjitha bota e futbollit që bëhet pjesë e zisë për vdekjen tragjike të sulmuesit të Cardiff Cityt.

“Gjithmonë në mendimet tona”, ishte postimi i Cardiffit, klubit ku u transferua Sala dhe nuk mundi të debutojë.

“Pusho në paqe EMI”, ka shkruar Mbappe, ashtu sikurse shkroi edhe klubi i Barcelonës, anglezi Harry Maguire dhe Iker Casillas.

Edhe shumë klube tjera dhe futbollistë të njohur në botën e futbollit shfrytëzuan rrjetet sociale për të ngushëlluar për vdekjen që tronditi sportin më të bukur në botë. /Telegrafi/  

https://twitter.com/CorentinTolisso/status/1093645635369271297

https://twitter.com/pajarofernandez/status/1093660753670885376

 

 

Exit mobile version