Pasagjerët shpërthyen në këngë ndërsa një grua u largua nga aeroplanit “Jetstar” pasi shkaktoi probleme para nisjes nga aeroporti Gold Coast, Australi.
Të dielën, gruaja 42-vjeçare nga Lennox Head, Uellsi i Ri Jugor, Australi kishte refuzuar të largohej vullnetarisht nga aeroplani, i cili ishte nisur për në Melburn dhe stafi i Jetstar thirri Policinë Federale Australiane.
Ajo dyshohet se ishte sjellë në mënyrë të çrregullt dhe përçarëse gjersa kishte refuzuar të ndiqte udhëzimet e stafit, raporton nypost.
Videoja e shpërndarë në mediat sociale shfaqi momentin kur policia e largoi me forcë gruan nga fluturimi, me një oficer të shfaqur duke e tërhequr fizikisht nga ulësja e saj.
@izym73 #drunk#karen#plane #queensland #melbourne #onboard #delayedflight #fyp #byekaren #arrested #imtoxicated #finallymadeithome ♬ original sound – Izym73 ??
Ndërsa ajo doli nga aeroplani, pasagjerët filluan të brohorasin dhe të këndonin hitin e Steam të vitit 1969 “Na Na Hey Hey (Kiss Him Goodbye).
“Ne kërkuam ndihmën e Policisë Federale Australiane pasi një pasagjer u bë gjithnjë e më përçarës përpara nisjes dhe refuzoi të ndiqte udhëzimet e ekuipazhit”, njoftoi avio-kompania.
Ajo u akuzua më pas për “sjellje në mënyrë fyese ose të çrregullt në një aeroplan”, e cila mbart një dënim të konsiderueshëm për shkak të shkeljes së Commonwealth.
Gruaja përballet me një gjobë maksimale prej 9,480 dollarë nëse dënohet. Ajo do të paraqitet në një gjykatë në Southport më 20 mars. /Telegrafi/