Në zonën e Gjirit të Lalzit vazhdon puna për ndërtimin e impiantit të trajtimit të ujërave të përdorura dhe kolektorit kryesor të ujërave të zeza.
Ministri i Infrastrukturës dhe Energjisë, Damian Gjiknuri bën të ditur se përmes këtij investimi do të përmirësohen ndjeshëm kushtet higjieno-sanitare të kësaj zone turistike.
Në këtë investim do të ndërtohen kolektori kryesor i kanalizimeve; kolektori me ngritje mekanike; 4 stacione pompimi si dhe impianti me një kapacitet përpunimi 15000 banorë. Me përfundimin e këtij impianti, i cili pritet të vihet në funksionim në vitin 2019, e gjithë kjo zonë nuk do të ketë më probleme me trajtimin e ujërave të zeza.
Këtë verë edhe ne plazhin e gjirit të Lalzit ka pasur fluks pushuesish dhe turistësh të huaj. /Telegrafi/
