Ajo i është rikthyer projekteve muzikore pas një mungese të gjatë në botën e shoubizit.
Bëhet fjalë për këngëtaren e mirënjohur Gjira Kajtazi, e cila ka kohë që është shkëputur prej muzikës.
Megjithatë, duket se artisten nuk e ka ndalur as shtatzënia për të sjell këngën më të re pas një kohe të gjatë para fansave.
“Aua”, titullohet kënga më e re e saj, ku në video shfaqet vetëm teksti i projektit muzikor dhe asgjë më tepër.
E për tekst të këngës është përkujdesur vetë këngëtarja së bashku me Lena Zbeatin gjersa miksimin e ka bërë Phily.
Ndryshe, Gjira ka qenë mjaft aktive vite më parë në muzikë, duke u shndërruar në një prej repereve më të pëlqyera në vend.
Mirëpo menjëherë pas albumit, ajo u tërhoq nga muzika, dhe edhe pse përflitej për një rikthim të mundshëm në tregun muzikor, një gjë e tillë duket se ende nuk është gati të ndodhë. /Telegrafi/
