Gjimnastika si lojë

Tonifikoni shpinën shtrirë në krevat
Pozicioni fillestar: qëndroni shtrirë përmbys me gjoksin në cepin e krevatit. Këmbët e shtrira dhe të bashkuara, duart e shtrira dhe të mbështetura në dysheme, ndërsa koka në drejtim të shpinës.
Lëvizja: vendosini duart pas qafës duke përthyer bërrylat dhe pa e lëvizur kokën ngrijeni pak bustin. Ruajeni këtë pozicion për 10 sekonda. Kthehuni në pozicionin fillestar dhe përsëriteni ushtrimin 5 herë.

Të stërvitim vithet duke parë televizor

Pozicioni fillestar: shtrirë në divan, në anën e djathtë. Koka e mbështetur në dorë. Bërrylat e përthyer, ndërsa vithet në pozicion pingul me bustin. Këmba e majtë e shtrirë përgjatë trupit, majat e gishtave të drejtuara poshtë.

Lëvizja: kur të merrni frymë, ngrijeni këmbën e majtë. Më pas nxirreni frymën duke e ulur këmbën, por pa e vendosur mbi divan. Përsëriteni ushtrimin 3 herë me nga 15 lëvizje dhe më pas ndërrojeni këmbën.

Një jastëk për të forcuar kofshët

Pozicioni fillestar: shtrirë me kurriz. Këmbët në kënd 90°. Kofshët në pozicion pingul me trupin, ndërsa midis gjunjëve vendosni një jastëk, këshillon “Objectif Minceur”, botuar nga “Pegi”.
Lëvizja: ushtroni forcë, por pa e lëvizur shpinën disa herë rresht. Mbajeni këtë pozicion për 20 sekonda dhe përsëriteni ushtrimin 3 herë. /Telegrafi/