Reperi i njohur Gjiko ka lansuar së fundmi ‘mixtape’-in e tij më të ri “Energjiko”.
Ai gjithashtu është tashmë fytyra zyrtare e pijes energjike “Golden Eagle”, me të cilën nënshkroi kontratën pak javë më parë.
Nesër (e shtunë), kompania ‘Frutexx’, pjesë e së cilës është pija energjike “Golden Eagle”, organizon për herë të parë Karnavalin e quajtur “Golden Eagle”, në komunën e Suharekës.
Ky program do të përfshijë disa aktivitete, si: shfaqje, party, dhe një koncert, në të cilin do të performojë reperi Gjiko.
Pjesë e Karnavalit do të jenë gjithashtu Ansambli Rugova, Ansambli Jehona, Cirku Kombëtar i Tiranës, Mas Max, Orkestra frymore “Afërdita” etj.
Gjiko është mysafiri special, i cili do të performojë për fansat disa nga këngët e tij më të reja të “mixtape”-it “Energjiko”.
Karnavali fillon në orën 19:00. /Telegrafi/
