Manchester City po synon t’i zgjedh problemet e tyre me portier, pasi po bëjnë përpjekje për të nënshkruar me portierin e Atletico Madrid, Jan Oblak, verën e ardhshme.
Sipas ‘Goal.com’, klubi anglez kanë prioritet nënshkrimin e portierit slloven, i cili është i dëmtuar dhe do të jetë jashtë fushave deri në shkurt, pasi Claudio Bravo ka dështuar të tregoj vlerat e tij që nga nënshkrimi i tij këtë verë nga Barcelona.
Ekipi i Pep Guardiolës ka pranuar 26 gola këtë sezon, ndërsa humbja e thellë 4-0 ndaj Evertonit ka mbushur kupën duke bërë të dështuar afrimin e Bravos si zëvendësues i Joe Hartit, i cili aktualisht është i huazuar në skuadrën italiane, Torino, dhe një transferim i portierit duket të jetë në krye të agjendës së klubit, përcjell Telegrafi.
Megjithatë, ky raport gjithashtu thekson se Atletico do të jenë të gatshëm për të lënë largimin e portierit vetëm nëse një skuadër paguan klauzolën e lirimit të tij, e cila peshon plot 100 milionë euro.
Los Rojiblancos ka pranuar vetëm 14 gola deri më tani këtë sezon në La Liga, ndërsa Oblak gjithashtu ka pranuar vetëm dy gola në gjashtë ndeshje në Ligën e Kampionëve.
24-vjeçari slloven u transferua në stadiumin Vicente Calderon nga Benfica në vitin 2014, dhe ka bërë 81 paraqitje për skuadrën e Diego Simeones. /Telegrafi/