Derisa nuk shtyhet trysnia nga Serbisë, nga ana e bashkësisë ndërkombëtare, është vështirë e besueshme se do të zgjidhet çështja e personave të pagjetur.Kështu ka theksuar kryetari i Komisionit për Persona të Zhdukur, Prenk Gjetaj.
Ai ka thënë për Telegrafin se dyshojmë se Serbia nuk ka qenë transparente në dhënien e informacionit për të pagjeturit. Ne kemi dyshimet tona se “ata e dinë ku janë lokacionet e varrezave masive”, duke shtuar se kemi shembuj të cilët janë amatoresk”.
“Shembulli i Rudnicës, kur afër lumit dhe buzë rrugës është gjetur varreza masive. Kur është bërë eskumimi i trupave, njerëzit kanë thënë se kanë pasur njohuri se këtu ka trupa të pajetë”, ka theksuar Gjetaj.
Sipas tij, sikurse të kishte pasur trysni nga ana e ndërkombëtarëve, Serbia do të tregonte për vendndodhjen e varrezave masive.
Ndërkombëtarët nuk kanë qenë të disponuar që të bisedohet për këtë çështj në Bruksel. Ata kanë thënë se kemi të bëjmë me tema politike, dhe se kjo është çështje është në baza humane”, ka shtuar Gjetaj./Telegrafi/
