Gjesti rrallë ka ndodhur gjatë mbrëmjes së kaluar në ndeshjet e ligës së basketbollit në botë NBA.
Dallas Mavericks kanë pësuar humbje kundër skuadrës së Los Angeles Clippersave me rezultat 121:112.
One of a kind…@swish41 waxes poetically about his favorite moments in L.A., Doc's gesture, and Instagram.#MFFL pic.twitter.com/9JWsfH8RM5
— FOX Sports Southwest (@FOXSportsSW) February 26, 2019
Por, vëmendjen më të madhe e ka marrë trajneri i klipersave, Doc Rivers i cili në një moment kërkoi ‘time-out’ shkaku i Dirk Nowitzkit.
Në fakt, kishin mbetur nëntë sekonda deri në përfundim të ndeshjes kur strategu kërkoi një minutë pushim dhe u kërkoi tifozëve të pranishëm në Staples Center ta duartrokisnin basketbollistin gjerman të Dallasit.
E gjithë kjo pasi 41-vjeçari po luan sezonin e fundit si basketbollist profesionist, duke i dhënë fund karrierës 21-vjeçare, ku ka pasur në total 1500 ndeshje.
Gjatë kësaj periudhe shtatgjati ka pasur një mesatare prej 21 pikëve, 7.6 kërcimesh dhe 2.4 asistimesh për ndeshje.
Ndryshe, lojtari do të mbahet mend si lojtari më i mirë evropian i basketbollit që është paraqitur ndonjëherë në “The National Basketball Association”. /Telegrafi/
Doc called a timeout to stop the game so Clippers players and fans could give Dirk a standing ovation 🙏 pic.twitter.com/G0yV99Qr8R
— Bleacher Report (@BleacherReport) February 26, 2019