Gjermania kishte paguar kompensim financiar deri në fund të gushtit në 249 raste në të cilat njerëzit në të dy shtetet gjermane ishin dënuar dhe persekutuar për homoseksualitet pas vitit 1945, gjegjësisht luftës së dytë botërore.
“Një total prej 860 mijë euro u janë paguar personave të prekur. 249 raste janë proceduar dhe në 14 raste procedura është ende në vazhdim”, tha Zyra Federale e Drejtësisë.
Zyra tha se të prekurit kanë ende kohë deri në korrik të vitit të ardhshëm për të paraqitur një kërkesë për dëmshpërblim, raporton theindependent.
Sipas të njëjtit institucion, në të dy shtetet gjermane, me shumë raste të tjera të regjistruara në Gjermaninë Perëndimore, midis 1945 dhe 1994, janë dhënë 69 mijë dënime për “akte homoseksuale”.
“Ndalimi i atëhershëm i marrëdhënieve seksuale midis personave të të njëjtit seks është veçanërisht në kundërshtim me të drejtat themelore të njeriut, veçanërisht nga pikëpamja e sotme”, shpjegoi Zyra e Drejtësisë në Bon.
Pagesa bëhet në bazë të një vendimi të Bundestagut të vitit 2017 i cili anuloi gjykimet dhe siguroi kompensim për të prekurit.
Që nga viti 2019, ata që nuk janë dënuar por janë ndjekur penalisht kanë qenë gjithashtu në gjendje të kërkojnë kompensim, gjë që shpesh ka çuar në probleme në jetën e tyre private, të tilla si humbja e punës. /Telegrafi/