Të dhënat e publikuara nga zyra federale e statistikës treguan se shitjet e pakicës të përllogaritura me inflacionin ranë me 2.1 për qind në normë mujore dhe me 3.5 për qind në normë vjetore. Për të gjithë tremujorin e parë të këtij viti shitjet e pakicës regjistruan rritje me 0.2 për qind.
Llogaritja e shitjeve të pakicës në Gjermani përjashton produkte të shërbimeve si biletat e kinemave, dhe në këtë formë ato përfaqësojnë më pak se një të tretën e ekonomisë së parë të Europës.
Edhe shitjet e automjeteve dhe shitjet në pikat e karburantit nuk përllogariten në këtë statistikë. Ndërkohë të dhënat përgjithësisht janë subjekt i ndryshimit pasi të përllogariten të dhënat e 27 mijë shitësve të pakicës dhe shpërndarësve të veturave për tu përfshirë më vonë në të dhënat kombëtare. /Telegrafi/