Puna nga shtëpia është një fenomen gjithnjë e më i zakonshëm pas shpërthimit të pandemisë COVID-19, por ndryshon shumë përqindja në vendet evropiane. Gjermania është ndër vendet lidere në Evropë.
Punonjësit në Gjermani me një ditë punë nga shtëpia në javë janë në vendin e dytë mes 17 vendeve evropiane, sipas një studimi të institutit Ifo.
Vetëm Britania e Madhe është përpara Gjermanisë me 1.5 ditë. Në nivel global, nga gjithsej 34 vendet e përfshira në studim, përpara Gjermanisë janë Kanadaja me 1.7, SHBA me 1.4 ditë dhe Australia me 1.3 ditë. Mesatarja e përgjithshme është 0.9 ditë punë nga shtëpia në javë, tha Ifo të martën.
Në Evropë, Finlanda dhe Holanda gjithashtu ia dolën një ditë, por Gjermania është pak më e mirë për sa i përket pikës dhjetore pas njësisë.
Në Austri mesatarja është 0,8 ditë, në Poloni dhe Itali 0,7 ditë dhe në Francë dhe Danimarkë 0,6 ditë në javë. Studimi tregoi se përqindja mesatare e punës nga shtëpia në javë është veçanërisht e ulët në Korenë e Jugut, në 0.4, si dhe në Japoni dhe Greqi – 0.5.
Nuk ka asnjë shpjegim të thjeshtë, tha eksperti i Ifo, Mathias Dolls. Struktura e ekonomisë në vende të caktuara, shkalla e dixhitalizimit, si dhe përvoja me masat e bllokimit gjatë pandemisë mund të kenë ndikim.
Mesatarja globale tregon se punonjësit duan rreth 0.8 ditë më shumë sesa planifikojnë punëdhënësit. Në Gjermani, hendeku është pak më i vogël në 0.6 ditë. Mesatarisht, 1800 pjesëmarrës të anketës gjermane thanë se donin të punonin nga një “zyre” në shtëpi rreth 1.8 ditë.
Përgjigjet e pyetjeve të anketës tregojnë se puna nga shtëpia mund të jetë më e shpeshtë. Gjegjësisht, në shumicën e vendeve, punëdhënësit planifikojnë t’u ofrojnë punonjësve më shumë punë nga shtëpia se më parë. /Telegrafi/