Të gjithëve u shkon mendja tek luksi sa herë që flitet për Dubain, megjithatë ekziston edhe ana strikte e këtij vendi që ndalon disa gjëra që në shumicën e vendeve të botës janë normale.
Këto rregulla janë të vështira për turistët e perëndimit, e në veçanti për ata që nuk janë të informuar për traditën dhe kulturën e këtij vendi. Shumë veprime që konsiderohen normale në vende tjera të botës, në Dubai nëse i bëni mund ta pësoni me burgim, transmeton Telegrafi.
Paketoni me kujdes gjësendet tuaja
Transportimi i materiale pornografike, mishi i derrit dhe i drogës mund t’ju fut në telashe serioze. Për shembull, inxhinieri japonez që kishte udhëtuar në Dubai, është arrestuar pasi që policia në aeroport kishin gjetur në valixhen e tij, DVD me përmbajtje pornografike.
Burg për puthje në publik
Shumica e banorëve në Dubai janë myslimanë, që do të thotë se rregullat në veçanti ato për intimitetin duhet të respektohen në përpikëri. Në këtë vend është e ndaluar puthja në publik por edhe ecja dorë për dorë, kurse të gjithë ata turistë që thyejnë këto rregulla paguajnë dënime me shuma të majme. Ndërsa të gjithë ata që tentojnë t’i kundërshtojnë këto rregulla, mund të përfundojnë prapa grilave. Ndërkaq kur bëhet fjalë për marrëdhëniet seksuale jashtëmartesore, Arabia Saudite është shumë strikte.
Prostitucioni
Një vajzë mund të futet në telashe vetëm nëse kapet duke shëtitur rrugëve më duar të zbuluara (jo të mbuluara), por kur errësohet gjithçka ndryshon. Në Dubai besohet se ilegalisht punojnë mbi 30 mijë prostituta që zbulojnë trupin e tyre nëse paguhen 500 dollarë në orë.
Mos hani në publik
Nuk lejohet pirja apo konsumimi i çfarëdo lloj ushqimi gjatë muajit të shenjtë të Ramazanit, pa marrë parasysh nëse jeni myslimanë apo jo. Dhe kështu çiftet e huaj shpesh dënohen për pirjen e një lëngu në pompat e derivateve. Megjithatë, rregulla të tilla shpesh thyhen, pasi konsiderohen si “zona të sigurta”. /Telegrafi/
