Gjenet e trashëguara nga paraardhësit e Neandertalit mund të përfshihen në disa raste të sëmundjes së rëndë të pandemisë, raportuan të mërkurën studiuesit në Gjermani.
Një ekip ekspertësh për gjenetikën e Neandertalit ekzaminuan një varg ADN-je që është shoqëruar me disa nga rastet më serioze të coronavirusit dhe i krahasuan ato me sekuencat e pasardhësit të Neandertalit, raporton CNN.
Fija e ADN-së së gjendur në kromozomin 3, një ekip studiuesish në Evropë i kanë lidhur me variacionet e caktuara në këtë sekuencë me rrezikun e sëmundjes COVID-19, transmeton Telegrafi.
“Ne jemi dëshmitar se ekziston rreziku i segmenteve gjenetike”, tha Svante Paabo dhe Hugo Zeberg nga “Max Planck Institute for Evolutionary Anthropology”.
“Rezulton se këto gjene i trashëguan njerëzit modernë nga Neandertalët kur ndërlidhën rreth 60 mijë vjet më parë”, tha Zeberg.
“Sot, njerëzit që trashëguan këtë variant gjeni kanë tre herë më shumë gjasa të kenë nevojë për ventilim artificial nëse infektohen me coronavirus”, shtoi ai.
Ndryshe, Paabo dhe Zeberg gjetën variacione të ngjashme në ADN-në e një skelet 50 mijë vjeçar të Neandertalit, i cili u gjet në Kroaci. /Telegrafi/