Shefi i ushtrisë së Nigerisë, gjenerallejtënant, Ibrahim Attahiru, ka vdekur gjatë përplasjes së aeroplanit në shtetin veri-perëndimor të Kaduna, thanë zyrtarët.
Sipas BBC, përcjell Telegrafi, incidenti ndodhi derisa avioni po përpiqej të aterojë në mot të keq, tha ushtria.
Bëhet e ditur se po ashtu vdiqën 10 oficerë të tjerë, përfshirë edhe ekuipazhi i aeroplanit.
Lidhur me këtë rast, presidenti Muhammadu Buhari, tha se ishte “thellësisht i pikëlluar” nga ngjarja.
Gjeneral Attahiru, 54-vjeçar e mori postin e tij në janar të këtij viti.
Forca Ajrore Nigeriane tha se incidenti ndodhi derisa aeroplani po ateronte në Aeroportin Ndërkombëtar Kaduna. /Telegrafi/