Komunikacioni në rrugët shtetërore zhvillohet nëpër rrugë kryesisht të thata. LAMM rekomandon kujdes në vozitje, shpejtësi të përshtatur dhe respektim të sinjalizimit të vendosur rrugor, përcjell Telegrafi Maqedoni.
Në grykat malore është e mundur paraqitje e shembjeve të vogla, veçanërisht në akset rrugore: Koçan-Makedonska Kamenicë-Dellçevë, Vinicë-Berovë, Gostivar-Strazhë, Mavrovë-Dibër-Strugë, D.Kapi-Udovë, Katllanovë-Veles, Krushevë-Demir Hisar dhe Resnjë-Bukovë.
Nga LAMM njoftojnë se intensiteti i komunikacionit në drejtimet rrugore jashtë mjediseve urbane është mesatar, ndërsa në kalimet kufitare nuk ka pritje të gjata për hyrje dhe dalje nga shteti (ky informacion ka të bëjë vetëm për vendkalimet e Maqedonisë)./Telegrafi/