Lidhja Auto-Moto e Maqedonisë (LAMM) njofton se komunikacioni në Maqedoni është duke u zhvilluar kryesisht në rrugë të lagështa, përcjell Telegrafi Maqedoni.
Në Kodrën e Diellit ka të reshura të borës dhe shikueshmëria është ulur në 30-40 metër për shkak të mjegullës.
LAMM-ja porosit qytetarët që të kenë kujdes gjatë pjesëmarrjes në komunikacion, të përshtatin shpejtësinë dhe të respektojnë sinjalistikën rrugore. Vëmendje të posaçme të kenë ata udhëtarë që kalojnë nëpër gryma mali pasi që mund të ketë rrokullisje gurësh.
Komunikacioni në rrugën A3 Prilep – Manastir – Resnjë, përmes qarkores në Manastir është në ndërprerje për shkak të rrëshqitjes së dheut. Rruga është pastruar, por për qëllime parandaluese, komunikacioni është i ndërprerë në këtë drejtim.
Vazhdon të jetë në fuqi obligimi për mbajtjen e pajisjeve dimërore në veturë. Në vendkalimet kufitare nuk ka pritje të jgata për hyrje-dalje nga Maqedonia./Telegrafi/