Është gjetur i vdekur një burrë, që kishte hyrë pas një muri, në një tualet të grave në Kanada dhe mbeti i ngecur për dy ditë.
Trupi tij është gjetur nga një mirëmbajtës, që shkoi për të rregulluar gypat e ujit në qendrën tregtare që ndodhet në Calgary, transmeton Telegrafi.
Sipas policisë, burri i paidentifikuar që besohet të jetë në të 20-at kishte hyrë prapa murit dekorativ që përdoret për të fshehur sistemin instalimit. Gjatë tërë kohës, mendohet se ai ka qenë vetëm.
Muri i gjatë rreth tri metra, nuk është i kapur me tavanin dhe nuk ka qasje tjetër për të hyrë prapa. “Bazuar në hetimet e para, ai ka hyrë nga kjo hapësirë, për të mos mundur të dilte më” thuhet në raportin e policisë.
Nuk dihen motivet që e kanë shtyrë të hynte aty, por besohet të jetë ndonjë pervers që donte t’i shikonte femrat në momente private. /Telegrafi/
