Të shtëna armësh dhe një shpërthim raportohet të jenë dëgjuar në Westminster të Londrës, pasi është gjetur një pako e dyshimtë jo më larg se një milje larg vendit ku ka ndodhur dje sulmi terrorist, shkruan Daily Mail.
Dëshmitarë të shumtë kanë pranuar se shpërthimi ka ndodhur gjatë orës 20:30, derisa policia ka konfirmuar rastin se kanë gjetur një pako të dyshimtë afër pallatit mbretëror Buckingham, transmeton Telegrafi.
Zëdhënësi i policisë metropolitane ka bërë të ditur se kurrfarë shpërthimi nuk ka ndodhur në Birdcage, ku mijëra qytetarë ishin mbledhur për të nderuar viktimat e sulmit terrorist.
“Policia kishte dalë në vendin e ngjarjes pasi kishte pranuar informata lidhur me një pako të dyshimtë në Birdcage, afër pallatit mbretëror Buckingham”, ka shtuar zëdhënësi i policisë.