Pas denoncimit paraprak nga qytetarë, pjesëtarë të brigadës zjarrfikëse nga Shkupi kanë gjetur një grua të vdekur në një banesë në rrugën “Dimitrie Çupovski”.
Siç informoi MPB-ja, banorët mbrëmë janë paraqitur në shërbimin zjarrfikës pasi kanë ndjerë erë të pakëndshme në ndërtesë, përcjell Telegrafi Maqedoni.
Pasi pjesëtarë të Shërbimit zjarrfikës kanë hyrë në banesë, kanë vërejtur se në dysheme ka qenë gruaja e vdekur G.M. (69).
Nga ana e ekipit të ndihmës së shpejtë mjekësore te trupi i së ndjerës nuk janë vërejtur gjurmë të dhunës. Pas urdhërit të prokurorit publik trupi është dërguar në autopsi./Telegrafi/