Paul Davis nga Australia kishte humbur portofolin 26 vite më parë në një fshat piktoresk i quajtur Lenocks Hedu, derisa po festonte Vitin e Ri në plazh.
Ai u “përshëndet” me dokumentet dhe paratë që i kishte pasur brenda. Megjithatë, një djalë i ri e ka gjetur portofolin e tij që e kishte humbur në vitin 1994 në plazh, transmeton Telegrafi.
Të gjitha gjërat që i kishte brenda portofolit kishin mbetur të paprekura – ID-ja e mjekut dhe e universitetit, kartelat e bankës dhe disa fatura.
Pasi që të dhënat e tij ishin në dokumente, personi që e gjeti e publikoi në Facebook me shpresën se do ta gjej Davisin. E një e afërme e gruas së tij e pa postimin dhe menjëherë e informoi.
Paul, pas 26 viteve sërish po e mban portofolin për të cilin kishte menduar se kurrë më nuk do ta sheh. Madje thotë se do ta fus në kornizë dhe do ta mbajë në mur me qëllim që çdo ditë ta kujtojë këtë përvojë. /Telegrafi/
