Një person i ndershëm nga qyteti Kirchheim në Hessen i ka gjetur dhe i ka dorëzuar në polici të gjitha paratë dhe gjësendet tjera të vlefshme
Disa bileta aeroplani, pasaporta dhe afër 13.000 dollarë i kanë humbur – dhe sërish i kanë gjetur – dy turistë amerikanë në Gjermani, shkruan nzz.ch.
Ata e kishin vizituar qytetin historik të mbrojtur nga Unesco-ja, Bacharach në Rheinland-Pfalz.
Siç ka deklaruar një zëdhënës i policisë, një person i ndershëm nga qyteti Kirchheim në Hessen i ka gjetur dhe i ka dorëzuar në polici të gjitha paratë dhe gjësendet tjera të vlefshme, transmeton albinfo.ch.
Ato ishin në një çantë që lidhet në brez, e cila u gjet në një bujtinë për të rinj në kështjellën Stahleck.
Në bujtinën në fjalë e kishin kaluar natën dy amerikanët, 26 dhe 27 vjeçarë.
Ata kishin bërë një kallëzim penal në polici dhe e kishin njoftuar edhe konsullatën amerikane për humbjen e parave dhe gjërave me vlerë. Vetëm disa orë më vonë dy amerikanëve u janë kthyer paratë, ka njoftuar zëdhënësi.