Dr. Walid Heinene nga Qendra për Kontrollin dhe Parandalimin e Sëmundjeve në Atlanta e testoi gjelin që përmban ilaçin kundër virusit të mungesës së imunitetit të njeriut, të quajtur raltegravir. Gjeli mbrojti majmunët kur u aplikua para se të infektoheshin me HIV rrugëve vaginale, por ai gjithashtu e pengoi infeksionin edhe kur u aplikua deri në 3 orë pas seksit, raportoi NBC News.
Nëse gjeli ka një ndikim të ngjashëm tek njerëzit, femrat do të jenë në gjendje të mbrohen nga infektimi me HIV, pas marrëdhënieve seksuale, tha Heinene, përcjell koha.net.
Virusi i HIV-it i cili e shkakton AIDS-in mund të transmetohet përmes gjakut, spermës dhe qumështit të nënës, por shumica e njerëzve janë të infektuar seksualisht dhe në Afrikë, ku ndodhin shumica e rasteve, 60 për qind e pacientëve me HIV janë femra. Pothuajse të gjitha janë infektuar nga burrat apo partnerët e tjerë seksualë, tha Heinene. /Telegrafi/