Ky është momenti kur një foshnje e porsalindur shpëtohet, pasi e gjejnë të braktisur në një motoçikletë në Filipine.
Një grup shokësh po ktheheshin nga një aheng kur dëgjuan një foshnje duke qarë rreth orës një pas mesnate në qytetin Caloocan, dhe pasi u afruan te motoçikleta e gjetën një foshnje të mbuluar në gjak që e kishte futur dikush në një qese të najlonit, transmeton Telegrafi.
Sipas ekipeve mjekësore që arritën me shpejtësi të madhe për ta marrë foshnjën, kanë deklaruar se po të mos ishin këta të rinj, djaloshi i vogël sigurisht se do të kishte vdekur nga ngufatja brenda qeses.
Sipas punëtores sociale Carina Serafica, vogëlushi kishte vetëm disa orë jetë, dhe po të mos ishte intervenimi i të rinjve nuk do të jetonte edhe shumë për shkak të infeksionit dhe kontaktit me mbeturinat që ishin afër motoçikletës ku edhe ishte braktisur.
“Kushdo që e ka lënë foshnjën sigurisht se nuk ka zemër! Nuk është arsyetim kur njerëzit thonë se nuk mund të kujdesen për të në mungesë të parave”, ka deklaruar Sean Casiman i cili gjeti beben. /Telegrafi/
