Presidenti amerikan Joe Biden ka vizituar qytetin polak të Rzeszów, rreth një orë me makinë nga kufiri ukrainas, në një shfaqje simbolike të mbështetjes për shtetet e Evropës Lindore që po shohin agresionin rus duke bërë kërdi në Ukrainë.
Gjatë vizitës, presidenti amerikan hodhi një vështrim në përpjekjet ndërkombëtare për të ndihmuar mbi 2 milionë refugjatët ukrainas, që kanë gjetur strehim të përkohshëm nga lufta në vendin e tyre, në Poloni.
Ai gjithashtu u takua me trupat amerikane që po mbështesnin krahun lindor të NATO-s, përcjell Telegrafi.
Dhe derisa po fliste me ta, ai u tha se ata janë një grup i mrekullueshëm grash dhe burrash, dhe se i falënderon për shërbimin e tyre.
“We are the organizing principle for the rest of the world.”
President Joe Biden delivers remarks to US troops in Poland as the Russia-Ukraine conflict continues. pic.twitter.com/F1IxWmM8HV
— CNN (@CNN) March 25, 2022
“… Dhe kjo nuk është diçka e re për mua. Unë – djali im kaloi një vit në Irak. Ai kaloi gjashtë muaj në Kosovë. Ai fitoi Yllin e Bronztë, medaljen e shërbimit dhe çmime të tjera. Gjëja më krenare që bëri ndonjëherë ishte veshja e asaj uniforme”, ka thënë ndër tjerash Biden.
Ndryshe, Beau Biden është djali i ndjerë i zëvendëspresidentit të SHBA-ve, Joe Biden i cili kishte ndërruar jetë me 6 janar të vitit 2015 nga sëmundja e kancerit.
Beau Biden, kishte punuar në Kosovë pas luftës, duke ndihmuar në trajnimin e prokurorëve dhe gjykatësve vendas për organizatën për siguri dhe bashkëpunim në Evropë (OSCE).
Ai ishte edhe Prokuror i Përgjithshëm në Delaware ndërsa për një kohë kishte shërbyer edhe me Forcat Amerikane në Irak. /Telegrafi/