Një magjistar në Australi është sulmuar ashpër nga një burrë, derisa po dhuronte spektakël para shumë të pranishmëve brenda një anije gjigante.
Ben Murphy po performonte në anijen Caribbean Quantum of Seas, kur ftoi një pasagjer për të realizuar një “truk”, transmeton Telegrafi.
Një pjesëtar i audiencës po filmonte shoun, ku Murpy po realizonte “spektaklin” e fundit me një pasagjere që e ftoi në skenë.
Në videon e publikuar më poshtë, Murphy shihet duke i mbajtur letrat me gojë dhe në një moment i afrohen njëri-tjetrit që t’i bashkojnë.
E kjo duket se nuk i pëlqeu një burri që iu vërsul, ndërsa gruaja që ishte pjesë e spektaklit tenton ta shtyjë e qetësojë burrin.
“Argëtimi, komedia dhe magjia nuk janë sport me kontakt fizik”, tha ai më vonë në profilin e tij.
Sipas tij, mysafirë të tillë nuk do të duhej të lejoheshin të kënaqen apo të marrin pjesë në spektakle të tilla. /Telegrafi/
https://www.youtube.com/watch?v=cJR1pesDFZ4&ab_channel=VISHVAJEETBALIYAN01