Pamjet shqetësuese janë parë në qiellin e Kalifornisë së Shteteve të Bashkuara, kur gjatë një fluturimi të përbashkët, një prej aeroplanëve ushtarak doli nga kontrolli.
U.S. Air Force Thunderbird ishte duke dhënë një shfaqje në formacion me pesë aeroplanë të tjerë ushtarakë, kur rrezikoi të shkaktonte aksident në lartësi, me pasoja të mëdha, transmeton Telegrafi.
Në pamjet që janë marrë nga helikopteri i një mediumi, shihet Thunderbird 6 derisa bën një shmangie dramatike, duke mënjanuar përplasjen gjatë fluturimit me aeroplanët tjerë që qëndronin në afërsi.
Faji për këtë dalje nga kontrolli ishte i Thunderbird 1, që bëri një lëvizje të përshpejtuar derisa po lëvizte në lakore, gjë që e detyroi Thunderbird 3 të largohej më anash.
Ky ishte shkaktari i daljes nga kontrolli i Thunderbird 6, por që piloti veproi me zgjuarsi dhe arriti të kthehej sërish në formacion. /Telegrafi/
