Puna e futbollistit është një nga më të paguarat në botë, por ka edhe nga ata futbollistë që i kanë investuar këto para duke e rritur dukshëm kapitalin.
Dikur futbollistë të famshëm, tashmë biznesmen, ministra e investitor.
Më poshtë i keni gjashtë lojtarët që kanë fituar miliona euro me paratë e investuara që i kishin fituar nga ky sport, transmeton Telegrafi.
Kakha Kaladze, gjeorgjian
(Dinamo Tbilisi, Dynamo Kiev, AC Milan, Genoa)
Ai në kohën e tij kishte fituar shumë tituj si në Gjeorgji, Ukrainë por edhe në Itali.
Por njëkohësit ai kishte investuar shumë para në fushën e energjisë. Ai tashmë është deputet dhe ministër i energjetikës në Gjeorgji.
Damien Duff, irlandez
(Blackburn Rovers, Chelsea, Newcastle United, Fulham, Melbourne City, Shamrock Rovers).
Gazeta Irish Times kishte shkruar se firma e Damien Duff, ‘Lightzest UK Ltd’ kishte fituar 1.099 milionë funte brenda një viti.
Ai njihet si një prej njerëzve më të pasur në vendin e tij dhe shumë para ai i ka fituar nga futbolli.
Thomas Gravesen, danez
(Vejle Boldklub, Hamburg, Everton, Real Madrid, Celtic).
Gravesen kur luante në Everton ishte një nga lojtarët më të mirë defanzivë në ligë.
Pas pensionimit në vitin 2009 ai bëri disa investime të mençura në një numër biznesesh. Sipas Yahoo ai ka pasuri mbi 100 milion euro. Tashëm jeton në Las Vegas në një shtëpi me pishinë.
Michael Owen, anglez
(Liverpool, Real Madrid, Newcastle United, Manchester United, Stoke City)
E doni ose e urreni, por ai ka bërë shumë mirë me vetën e tij. Michael Owen përveç që është komentator sporti, ai ka bërë edhe disa investime mjaftë fitimprurëse në Dubai. Ai ka edhe disa kuaj garash që kanë fituar shumë dhe kushtojnë shumë para.
Robbie Fowler, anglez
(Liverpool, Leeds United, Manchester City, Cardiff City, Blackburn Rovers, North Queensland Fury, Perth Glory, Muangthong United).
Ish-sulmuesi Robbie Fowler njihet si mjaftë i pasur. Sipas Mirror në vitin 2015, kompania e tij u vlerësua si ndër më të mirat për investime.
Në vitin 2008 ai kishte 28 milionë funte pasuri, sipas BBC.
Mathieu Flamini, francez
(Marseille, Arsenal, AC Milan).
Në kry të listës është Mathieu Flamini, i cili ende luan futboll dhe më një projekt ku ka investuar ai pritet të shpëtojë plantin. Në nëntor të vitit të kaluar, u zbulua nga mesfushor se kompania e tij GFBiochemicals, është afër të prodhojë acid levulinik, një zëvendësues për naftë. Sipas tij ata do të hapin një treg të ri që vlenë hiq më pak se 20 miliardë euro. /Telegrafi/
