Gisele Bundchen ka një mashkull të ri në jetën e saj pas divorcit nga Tom Brady, dhe thuhet se ka nisur një lidhje të re dashurie me instruktorin e xhudos, Joaquim Valente.
Dyshja u fotografuan në Koji në Provincia de Puntarenas me dy fëmijët e modeles 42-vjeçare – Benjamin, 12 dhe Vivian, 9 vjeç të shtunën (12 nëntor).
Bundchen kishte veshur një bluzë të shkurtër dhe pantallona të zi dhe të gjerë për daljen, shkruan PageSix.
Bashkë-krijuesi i ‘Valente Brothers’, nga ana e tij, ishte i gjithë i buzëqeshur në një këmishë gri dhe pantallona të shkurtra.
Ndërsa është e paqartë se kur filloi romanca e çiftit, Bundchen dhe Valente bënë një xhirim për revistën Dust me vëllezërit e tij, Pedro Valente dhe Giu Valente, në vitin 2021.
Muaj më vonë, modelja ushtroi xhudo, duke i quajtur Joaquim, Pedro dhe Gui “mësues të mrekullueshëm” përmes një postimi në Instagram.
“Unë besoj se sa më shumë mjete të kemi në kutinë tonë të veglave, aq më mirë. Ndihem më i fortë, më i sigurt dhe i fuqizuar që kur kam filluar të praktikoj vetëmbrojtje. Mendoj se është një aftësi e rëndësishme për të gjithë, por veçanërisht për ne femrat”, u tha modelja ndjekësve të saj.
“Faleminderit Valente Brothers që … e keni bërë stërvitjen kaq argëtuese,” vazhdoi ajo ndërsa ndante pamjet e aftësive të saj luftarake në objektin e Valente Brothers në Miami.
Ndërkohë, lajmi për një krizë në martesën e Bundchen me Tom doli në muajin qershor.
Ish-çifti priti javë të tëra për të thyer heshtjen e tyre për ndarjen, duke njoftuar në Instagram muajin e kaluar se ata tashmë kishin finalizuar divorcin e tyre “të dhimbshëm” dhe “të vështirë”.
“Ne arritëm në këtë vendim miqësisht dhe me mirënjohje për kohën e kaluar së bashku. Ne do të vazhdojmë të punojmë së bashku si prindër”, shkroi lojtari i NFL, në postimin e tij të tetorit.
Dyshja i dhanë fund martesës pas 13-të vitesh, bashkë kanë dy fëmijë./Telegrafi/