Gigi Hadid u pa duke lënë një festë në një shtëpi në Los Angeles të shtunën mbrëma me producentin muzikor, Cole Bennett.
Modelja 28-vjeçare dhe producenti i famshëm u panë duke u futur në të njëjtën makinë.
Gigi u përpoq të fshihej në makinë, teksa vazhdimisht e mbante të ulur kokën, në mënyrë që të mos fotografohej.
Cole, 27 vjeçar është një producent dhe regjisor muzikor; ai ka punuar me artistë përfshirë Kanye West, Eminem, Wiz Khalifa dhe J.Cole.
Paraqitja e tyre vjen vetëm një ditë pasi u zbulua se Gigi dhe aktori Leonardo DiCaprio, 48 vjeç, ‘ende flasin’ dhe ‘argëtohen’ së bashku.
Në korrik u raportua se Gigi dhe Leo po shijojnë një lidhje dashurie.
“Për sa kohë që ai është i respektueshëm dhe nuk i shkakton asaj ndonjë dramë, ajo do të vazhdojë të takohet me atë kur të jetë e mundur”, deklaroi një burim.
Gigi ka një vajzë dyvjeçare me ish të dashurin e saj, Zayn Malik.
Ata ishin bashkë nga nëntori 2015 deri në tetor të vitit 2021. /Telegrafi/
