Telegrafi

Gigi Hadid flet për përvojën e saj të parë të shtatzënisë

Gigi Hadid dhe Zayn Malik (Foto: Neilson Barnard/Getty Images for The Huffington Post/Guliver)

Pothuajse në të gjitha mediat rozë ka qarkulluar lajmi për shtatzëninë e modeles Gigi Hadid, gjë të cilën e konfirmoi edhe vetë ajo.

Modelja përmes një interviste në Tonight Show me Jimmy Fallon kishte dhënë detaje rreth këtij lajmi duke thënë se ka shtuar dozën e ushqimeve, shkruan The Sun.

Duke folur me Jimmy Fallon, 25-vjeçarja tha: “Natyrisht, ne do të kishim dëshiruar t’i kishim njoftuar fansat, por jemi shumë të ngazëllyer dhe të lumtur dhe mirënjohës për dëshirat dhe mbështetjen e të gjithëve”.

“Sidomos gjatë kësaj kohe, ky moment është kthyer në një gjë shumë të bukur, pasi jemi duke qëndruar së bashku për ta përjetuar këtë gjë”.

Supermodelja gjithashtu tregoi një pasqyrë të dëshirave të saj për shtatzëninë, duke pranuar se ajo ka qenë duke ngrënë çdo gjë.

Lexo po ashtu "Jemi shumë të emocionuar", Dua Lipa flet me ngazëllim për shtatzëninë e kunatës Gigi Hadid

Burime familjare thanë se dyshja “është informuar se gjinia e fëmijës së tyre të ardhshëm do të jetë femër”, por diçka e tillë nuk është konfirmuar ende. /Telegrafi/