Rezultatet e shumëpritura preliminare, tregojnë një epërsi të lartë për Ghani, ndaj rivalëve të tij në sondazhet e kontestuara në masë të madhe.
Janë bërë të ditura sot rezultatet e shumëpritura preliminare, të zgjedhjeve presidenciale në Afganistan, rezultati i së cilave është shtyre për një kohë të gjatë, transmeton Telegrafi.
Sipas Komisionit të Pavarur të Zgjedhjeve, presidenti në detyrë Ashraf Ghani siguroi minimumin e kërkuar prej 50 për qind plus një votë, në raundin e parë të zhvilluar më 28 shtator, duke mos lënë hapësirë për rizgjedhje.
Kreu i komisionit, Hava Alam Nuristani ka thënë në një konferencë për shtyp se komisioni është përpjekur shumë për të siguruar ndershmëri dhe transparencë në sondazhet e dëmtuara nga parregullsia, pretendimet për mashtrime dhe lëshimet teknike.
Sa i përket rezultateve, Ghani mblodhi 50.6 për qind të votave, i ndjekur nga Shefi Ekzekutiv, Abdullah Abdullah me 39.5 për qind dhe udhëheqësi veteran Gulbuddin Hekmatyar me 3.8 për qind.
Mirëpo, ekipi i Abdullah e ka refuzuar rezultatin. /Telegrafi/