Kryetari i partisë Fjala që dështoi në zgjedhjet e 11 qershorit për të hyrë në Kuvend, vazhdon të akuzojë partitë tjera për vjedhje të votave.
“Se sendi i vjedhur ka me iu mbet në fyt, krejt keni me i vjellë”, ka shkruar Gëzim Kelmendi në profilin e tij në Facebook.
Postimin e tij mund ta lexoni të plotë më poshtë.
“Hajnia ka me iu mbetë në fyt !
Ju koalicionet PAN, LAA dhe ju Vetëvendosje, sot në KQZ nuk paskeni mujt me ra në ujdi për votat.
Por dijeni se dëmin që na e bëtë në fillim kur vetit ua siguruat nga 3+3+2 komisioner në çdo vendvotim e neve asnjë, keni me vjellë.
Dhe votat që na i vodhët gjatë numërimit, edhe ato keni me i vjellë.
Se sendi i vjedhur ka me iu mbet në fyt, krejt keni me i vjellë.
Neve FJALËS na i vjedhët votat, por vullnetin kurrë nuk mundeni me na vjedhë.
Turp për juve” (sic.), ka shkruar ai në Facebook. /Telegrafi/
