Getafe dhe Real Madridi kanë ndarë pikët në kuadër të xhiros së 34-të në La Liga.
Dy skuadrat madrilene kanë luajtur pa gola 0-0 në Coliseum Alfonso Perez, në një takim që u ndoq nga 13 mijë tifozë.
Reali kishte më shumë nga loja, ndërsa mesfushori brazilian Casemiro si dhe talenti spanjoll Brahim Diaz patën notat më të larta në ndeshje.
Ndërkohë te vendasit nota më e lartë shkoi për portierin Soria që bëri disa pritje të mira.
Reali kësisoj pas këtij barazimi vazhdon të mbetet e treta në tabelë me 65 pikë, ndërsa një pozitë më poshtë është Getafe me 10 pikë më pak. /Telegrafi/
