Mesfushori i Romës, Gerson, ka premtuar se nuk është në negociata për t’u huazuar te ndonjë klub tjetër.
Braziliani nënshkroi me Giallorossët nga Fluminense për 15 milionë euro në dimrin e kaluar, ndërsa iu bashkua skuadrës në fillim të këtij sezoni.
Megjithatë, 19-vjeçari ka zhvilluar vetëm 14 minuta në Serie A, prandaj është spekuluar se do të huazohet në janar.
Por, vet lojtari ka bërë një postim në rrjetet sociale për të sqaruar se do të qëndrojë në Stadio Olimpico.
“Jam vetëm në muajt e mi të parë në futbollin italian. Po bëhem më i mirë, falë infrastrukturës që na ka vënë në dispozicion klubi”.
“Dua të sqaroj se nuk ka bisedime për t’u huazuar te ndonjë klub tjetër dhe asnjëherë nuk e kam menduar të shkoj si huazim. Qëllimi im është që t’i ndihmoj Romës këtë sezon”, ka shkruar Gerson në Instagram. /Telegrafi/