GERMIN dhe Global Albanians Foundation, do të organizojë një koncert me sopranon e njohur shqiptare, Inva Mula dh pianaistin e njohur, Genc Tukiçi, në New York – për të mbledhur fonde për programin OriginAL.
Programi OriginAL, është një iniciativë e nisur vitin e kaluar, ku ka për qëllim që të rinjve shqiptarë të diasporës t’u dhurojë eksperiencë të paharrueshme në vendin e origjinës.
Qëllimi është që këta të rinj të lindur apo të rritur në diasporë, të shijojnë Kosovën dhe Shqipërinë prej një këndi tjetër.
Prandaj, tani jemi në fazë të ngritjeve të fondeve ku përveç fondeve të ngritura online në maj të këtij viti do organizohet edhe koncerti me Inva Mulën dhe Genc Tukiçi.
Pritës të këtij takimi do të jenë anëtarët e bordit të GERMIN: Fadil Berisha, Avni Mustafaj dhe Mark Kosomo.