George Clooney dhe bashkëshortja e tij Amal magjepsën të pranishmit në ceremoninë “The Albies” në Nju Jork.
Kjo ceremoni organizohet në kuadër të fondacionit të tyre, i cili çdo vit shpërndan çmime për mbrojtësit më të shquar të drejtësisë.
Amal shquhet për klasin dhe elegancën e saj, dhe shpesh bën përshtypje me zgjedhjet e saj të modës. Ajo për këtë event zgjodhi një fustan të gjatë të zi me dekolte dhe dukej tërësisht elegante.
Ajo kishte edhe një çantë të së njëjtës ngjyrë dhe e kompletoi look-un me një palë vathë argjendi efektiv dhe një byzylyk. Ajo përshtati modën e saj me bashkëshortin e saj të famshëm aktor.
George kishte veshur një kostum të zi, këmishë të bardhë dhe papijon të zi për këtë ceremoni.
Shumë njerëz janë të mendimit se të dy janë një nga çiftet më harmonikë. /Telegrafi/
