Aktori George Clooney është një prej personazheve më të dashur në të gjithë botën.
Së fundmi, ai është nderuar me një nga çmimet më të rëndësishme në karrierën e tij.
Clooney u vlerësua dje nga ‘Instituti Amerikan i Filmit’, për kontributin e tij artistik.
Këtë çmim, ai e ka pranuar në prani të personit të zemër, Amal Clooney.
Ndërkohë, kjo e fundit është ndjerë krenare me të arritur e bashkëshortit, dhe ka vendosur t’i bëjë atij një dedikim emocionues në rrjetet sociale.
“Ai është personi që ka admirimin tim të plotë dhe gjithashtu buzëqeshja e të cilit më bën të shkrihem e gjitha. Dashuria ime, çfarë kam gjetur me ty është dashuria e madhe për të cilën unë gjithmonë kam shpresuar se ekziston”, ka thënë ndër të tjerash Amal.
Dashuria për çiftin filloi në vitin 2014, teksa e bënë të hapur lidhjen e tyre për gjithë opinionin. /Telegrafi/
