Gentriti, djali i vetëm i familjes Gashi nga Sllovija e Lipjanit, po përballen me probleme në sy. Mungesa e kushteve më elementare e prindërve, kanë ndikuar që ata të mos kenë mundësi ta dërgojnë atë jashtë vendi. 15-vjeçari po ia thyen shpirtin dy prindërve çdo ditë.
Sipas kryefamiljarit Ismetit, djali i vetëm i tij ka probleme shëndetësore me një sy ku edhe gati e ka të humbur gjithë shikimin. Ismeti thotë se në një ditë famëkeqe, ai ka lënduar syrin, ndërsa tani trajtimi i tij brenda vendit është i pamundshëm. E, halli i tij është se nga t’i siguroj mjetet, ku e gjithë familja janë të varur nga një ndihmë sociale në shumë prej 80 eurosh, kurse shuma e trajtimit mjekë- sor është 12 mijë euro, thotë Gashi.
“Jeta na është mërzitur e kemi të vetmin djalë, kurse ne si të papunë që jemi nuk po arrijmë të ja bëjmë të mundshme shërimin jashtë vendi”, tha ai gati duke ia plasur vajit.
“Mjekët në Qendrën Klinike Universitare na kanë rekomanduar trajtim jashtë vendi. Ne nuk kemi mundësi t’i mbulojmë shpenzimet. Nga t’i mbulojmë shpenzimet ku për një muaj i kemi vetëm 80 euro në dispozicion”, ka nënvizuar ai.
Ai ka shtuar më tej se do të jepte çdo gjë nga vetja sikur djali i vetëm Gentriti të gjente shërim.
“Nuk kam mundësi vetë të bëj zgjidhje, kurse kam friken se nga mungesa e trajtimit me kohë djali do ta humbë shikimin”, theksoi i brengosur ky baba për fatin e djalit të vetëm.
Por, hallet e Ismetit nuk mbarojnë këtu, ai thotë se edhe vetë ka një gjendje të keqe shëndetësore, dhe se i është dashur ti nënshtrohet edhe një intervenimi kirurgjik. Nuk arrin të punojë punë të renda dhe nuk është edhe i punësuar as ai e as bashkëshortja e tij. Në anën tjetër shtëpia e vjetër dhe pa kushte ishin një histori më vete. Një vështrim rreth e rrotull këtij ambienti të bënte menjëherë të kuptosh se edhe kjo familje po i nënshtrohet çdo ditë një skamje të vërtetë, ne Kosovën e pas luftës.
Për më shumë për një përditshmëri të një zonje, e cila kryen punët e shtëpisë dhe bën përgatitjen e ushqimit, na rrëfeu vetë Zymrie Gashi, nëna e Gentritit. Ajo u shpreh mjaft e mllefosur me realitetin në të cilën po jeton. Zymria ka kërkuar ndihmë për djalin e vetëm te saj, duke pohuar se jeta i është shkatërruar që kur djali ka probleme me syrin.
“Nuk ka më të vështirë për një nënë se kur sheh të birin në atë gjendje. Është gjëja më e rëndë që po përjetojmë. Ai po na dhimbset, sepse ne nuk po kemi mundësi vetes t’i dalim në ndihmë”, është shprehur ndër të tjera ajo.
“Si zonjë e shtëpisë e kam mjaft të vështirë t’ju përgatis diçka për të ngrenë, djalit dhe bashkëshortit kur në shtëpinë tone shumë shpeshmungojnë edhe gjërat më elementare e deri tek veshmbathja dhe kushtet tjera brenda shtëpisë”, ka pohuar Zymrija, duke shtuar se në këtë gjendje ndodhet jo rrallëherë, por se problemi shëndetë- sor me djalin është shumë i vështirë.
Sëmundja e djalit, vështirë për t’u përballuar Zymria njofton gjithashtu se këtë problem do ta tejkalonte më lehtë, sikurse djali i saj i vetëm të mos e kishte problemin shëndetësor. “Ndoshta do ta kisha më lehtë sikurse djali të ishte mirë, por kur jam në mes të dyjave vështirë se ja dal”, ka thënë kjo zonjë e katandisur keq nga jeta.
Ndërkohë,edhe ajo ka njoftuar gjithashtu se nëse nuk i gjendet ndonjë mundësi që djali sa më parë të shkoj jashtë vendi ka mundësi që në syrin e lënduar të humbet i gjithë shikimi. “Po nuk na ndihmoi dikush sigurisht se djalit do t’i humbet i gjithë shikimi. Çka të bëjmë ne vetëm po na dhemb shpirti dhe nuk po arrijmë ti dalim në ndihmë. E kemi djalin e vetëm dhe ky rast na ka tronditur “, është shprehur ajo me lot në sy, shkruan Gazeta Kosova Sot.