Ish-sulmuesi i Telstarit, Jordie van der Laan vendosi javën e shkuar të shkojë në Londër për të ndjekur për së afërmi takimin e parë mes Tottenhamit dhe Ajaxit në kuadër të Ligës së Kampionëve.
Para kësaj, ai u tha drejtuesve të ekipit se ishte i sëmurë dhe nuk mund të stërvitej, por kamerat e kapën në White Heart Lane.
Ai ishte i bindur se askush nuk do ta vinte re, por përfundoi në ekranet e mëdha televizive edhe për tri herë.
“Është e vërtetë se kam gënjyer se isha i sëmurë. Unë mendova se nuk do të më lejonion të shkoja ta shikoja ndeshjen nëse do t’i pyetja. Nuk ishin të gjithë të befasuar sepse disa prej miqve e dinin se jam në Londër. Kaq shumë njerëz ishin në stadium dhe mua më gjeten “, ka thënë Van der Laan.
Telstar cancel Jordie van der Laan's contract after feigning illness to watch Tottenham vs Ajax in London. #UCL pic.twitter.com/EBGMssFFgS
— Football 24/7 (@foetball247) May 6, 2019
Megjithatë, lojtari tashmë i ekipit të ligës së dytë holandeze nuk e priste që do t’i anulohej kontrata me klubin.
“Kjo ishte një situatë e çuditshme. Ai e lëshoi videon në telefon dhe unë e dija se isha në telashe. Ai vendosi që të më largojë dhe mos të më lejojë të luajë për Telstarin”, ka pohuar ai.
Ndryshe, ndeshja e dytë mes dyja ekipeve do të zhvillohet gjatë ditës së nesërme në Amsterdam Arena me fillim në ora 21:00. /Telegrafi/