Edhe një projekt i ri muzikor i është bashkuar tregut muzikor të estradës shqiptare.
Genc Prelvukaj edhe njëherë ka bashkuar forcat për të sjell një këngë të përbashkët me Eni Kocin.
“Harrove”, titullohet kënga më e re e dyshes, e cila është shoqëruar me një video mjaft të veçantë.
Dyshja ka shkruar tekstin e këngës gjersa producent është vetë autori i këngës, Genci.
Ndërkohë, kënga është realizuar nga Black Fish Entertainment, kompani e Prelvukajt.
Theksojmë se dyshja kishte sjell kohë më parë edhe këngën që u bë hit për kohë të shkurtër, “Shi bie në Tiranë”.
Ndryshe, dyshja është duke punuar në këngë të reja ndaras, të cilat do t’i sjellin gjatë muajve në vijim. /Telegrafi/
