Kryeredaktorja e revistës “Novi Magazina”, Nadezhda Gaçe, ka vlerësuar se angazhimi i lobistëve mbetet ende një aktivitet i rëndësishëm, por se deklarata e Ivica Daçiqit, që ata duhet të jenë të angazhuar në mënyrë që të përfaqësojnë interesat e Serbisë në zgjidhjen e problemit të Kosovës, vjen vonë dhe nga njeriu i gabuar.
Deklarata e saj vjen pasi ministri i jashtëm serb, Ivica Daçiq, tha se Serbia duhet sa më shpejtë të jetë e mundur për të angazhojë ndonjë lobist për të mbrojtur interesat e Serbisë në zgjidhjen e problemit të Kosovës.
“Është interesante se Daçiq flet për lobistët, unë kam asgjë kundër lobimit, Serbia dikur kishte lobistë dhe i paguante shumë. Më pas u tha se kostoja e angazhimit të tyre ishte shumë më e madhe se efektet”, ka thënë Nadezhda Gaçe, shkruajnë mediat serbe, përcjell Telegrafi.
Ajo konsideron se Daçiq nuk duhet të flasë për këtë, sepse me këtë degradon njerëzit që punojnë në ministri, që kanë të bëjnë me diplomacinë dhe përfaqësojnë interesat e Serbisë në marrëdhëniet ndërkombëtare.
Siç raportojnë mediat serbe, ajo ka kujtuar se shqiptarët kishin lobistë për Kosovën që nga vitet 1980.
Gjithsesi, sipas saj, angazhimi i një lobisti i cili tani do të përfaqësonte interesat serbë është i vonshëm.
“… mendoj se në këtë fazë përfundimtare të marrëveshjes së Kosovës, kur është e qartë se çon në një zgjidhje, sigurisht jo një konflikt të ngrirë, ‘kërcimi’ në një tjetër tren, nuk është logjike”, vlerëson Gaçe. /Telegrafi/