Botuesit dhe gazetarit të njohur, Stefanos Chios, i është bërë një atentat me armë zjarri mëngjesin e sotëm.
Mësohet se gazetari është qëlluar me dy plumba, një në qafë dhe një brinjë, ndërsa dy plumba të tjerë qëlluan makinën e tij.
Paraprakisht bëhet me dije se persona ende të paidentifikuar kanë zënë në pritë Chios-in në derë të shtëpisë së tij në orët e para të mëngjesit të sotëm, ndërsa ai po kthehej në banesë.
Mediat greke raportojnë se të shtënat janë regjistruar rreth orës 3 të mëngjesit, jashtë shtëpisë së tij në Vrilissia, një periferi, në Veri të qendrës së Athinës.
I plagosuri është dërguar në spitalin e Sismanoglio, nga ku është referuar në spitalin KAT në veri të Athinës.
Mësohet se gjendja e tij shëndetësore është serioze por nën kontroll.
Autoritetet kreke kanë nisur punën për zbardhjen e plotë të ngjarës dhe identifikimin e kapjen e autorëve të atentatit. /Shekulli/