Gazetari rus arrestohet gjatë raportimit nga protesta (Video)

Gazetari rus, Dmitry Nizovtsev është arrestuar gjatë raportimit direkt nga terreni. Protestuesit në Moskë kanë mbushur sheshet për të refuzuar reformën e pensioneve që po bën qeveria.

Edhe disa banorë të Shën Petersburgut janë në kundërshtim me këtë reformë. Por, një moment që mori vëmendje të madhe ishte arrestimi i gazetarit.

Ai po raportonte të rejat e fundit kur dy zyrtarë të policisë e kapën nga krahët dhe e drejtuan tek makina. Nuk dihet ende arsyeja përse Dmitry është arrestuar dhe nëse do qëndrojë gjatë në ambientet e policisë. /oranews/