Menaxheri i Manchester Unitedit, Jose Mourinho, ka reaguar me nervozizëm kur është pyetur se a do t’ia shtrëngojë dorën trajnerit të Manchester Cityt, Pep Guardiola.
Dy trajnerët nuk kanë pasur raporte të mira nga koha kur ishin rivalë te Real Madridi dhe Barcelona, ndërsa në sezonin e ri pritet që të shtohet akoma më shumë rivaliteti mes tyre.
Në pyetjen e gazetarit, portugezi thotë se nuk ka ndonjë arsye pse të mos përshëndetet me homologun e tij, ndërsa ka mbetur i habitur me pyetjen që i është drejtuar.
“Për ta vlerësuar këtë pyetje më duhet të shfrytëzoj disa fjalë të pasjellshme. Natyrisht se do t’ia shtrëngoj dorën. Nuk e kuptoj këtë pyetje për Guardiolan dhe nuk e kuptoj këtë pyetje për mua”.
“Kemi punuar bashkë te Barcelona dhe kemi punuar kundër njëri-tjetrit në Spanjë. Nuk shoh ndonjë arsye për këtë pyetje”, ka thënë ai. /Telegrafi/
