Kroacia është goditur sot nga një tërmet tejet i fuqishëm, i cili ka shkaktuar edhe viktima por edhe dëme të mëdha materiale.
Bëhet fjalë për një tërmet me fuqi shkatërruese prej 6.2 magnitudë me epiqendër në Petrinje, transmeton Telegrafi.
Numër i madh i anëtarëve të agjencisë së krizave, ushtarë e zjarrfikës kanë dalë në vendin e ngjarjes për të ndihmuar personat që kanë ngecur nën rrënoja.
E kryetari i Petrinjes, Darinko Dumboviq, ka konfirmuar për mediat lokale se nga tërmeti ka humbur jetën një fëmijë.
Në anën tjetër gazetari i Al Jazeera derisa po raportonte nga vendi i ngjarjes ku skena e frikshme flisnin sa njëmijë fjalë, ishte dëshmitar i një dridhje të fuqishme kur gjithçka po transmetohej drejtpërdrejtë. /Telegrafi/
