Ndërmarrja publike “Gazeta Zyrtare” ka njoftuar se e ka publikuar Ligjin për përdorimin e gjuhëve dhe thekson se ky veprim është në pajtim me Kushtetutën dhe ligjet, edhe pse i njëjti është publikuar pa nënshkrimin e presidentit Gjorge Ivanov.
Gazeta Zyrtare i referohet nenit 52 paragrafit 2 të Kushtetutës, i cili thotë: “Ligjet hyjnë në fuqi më herët tetë ditë nga publikimi, nga dita e konfirmimit nga Kuvendit”. Dhe për këtë thonë se publikimi i Ligjit për gjuhët është bërë në mënyrë ligjore, përcjell Telegrafi Maqedoni.
Pas publikimit të Ligjit të gjuhëve pa nënshkrimin e presidentit kanë reaguar nga OBRM-PDUKM, prej ku thonë se ky akt është joligjor dhe se drejtori i saj Martin Kostovski ka bërë vepër penale.
Ndryshe, Ligji për përdorimin e gjuhëve nga muaji mars i vitit të kaluar ka qëndruar në sirtaret e kryetarit të Kuvendit, pasi të njëjtin refuzoi ta dekretojë presidenti Gjorge Ivanov./Telegrafi/
